CONDICIÓNS XERAIS DE CONTRATACIÓN

1.    ÁMBITO DE APLICACIÓN

1.1    As Condicións xerais de contratación (as “Condicións xerais”) son aplicables á prestación de servizos de ensino de inglés entre a sociedade que explota o centro Kids&Us (o “Provedor”) e o Cliente que consten identificados en cada momento nas Condicións particulares en vigor entre o Provedor e o Cliente (conxuntamente, as “Partes”).

1.2    Aos efectos previstos nestas Condicións Xerais:
a.    As “Condicións particulares” forman parte do Contrato de matrícula (tal e como este termo se define no apartado 5).
b.    “Cliente” significa a persoa que, en nome propio ou en nome e representación dun menor baixo a súa tutela ou patria potestade, contrate os Servizos do Provedor, sen que estes poidan ser cedidos polo Cliente a terceiros nin ser utilizados por outras persoas distintas ao Cliente ou o menor baixo a súa tutela ou patria potestade que consta inscrito como alumno no Centro.
c.    “Servizos” significa os servizos de ensino de inglés, baixo o sistema Kids&Us, contratados en cada momento por un Cliente co alcance que resulte das Condicións particulares que, en todo caso, terán que prestarse polo Provedor de acordo co Contrato de matrícula. 
d.    “Contrato” está formado polas Condicións particulares, as Condicións Xerais, as Condicións propias, as Termos e Condicións My Way, a Declaración de Saúde (si é o caso) e a Tarxeta Alfa.
e.    “Mousy” significa alumnos a partir de 1 ano do primeiro curso da metodoloxía Kids&Us.
f.    “Linda” significa alumnos a partir de 2 anos do segundo curso da metodoloxía Kids&Us.

1.3    En caso de contradición, as Condicións particulares prevalecerán sobre as Condicións xerais e as Condicións propias e, á súa vez, as Condicións xerais prevalecerán sobre as Condicións propias. s.

1.4    A aceptación destas Condiciones Xerais xa sexa mediante a súa firma ou, alternativamente, a través da subscrición do Contrato de matrícula implica que o Cliente:
a.    Leu, entendeu e comprendeu o aquí exposto e que tivo a oportunidade de realizar ao Provedor as preguntas necesarias para resolver as dúbidas que o mesmo puidera ter. 
b.    É unha persoa con capacidade suficiente para contratar.
c.    Asume todas as obrigas que resultan do Contrato.

1.5    As Condicións Xerais poderán modificarse, por exemplo, por motivos legais, regulatorios, de seguridade ou comerciais, unicamente, se tras a remisión das modificacións propostas ao Cliente, este as acepta de forma voluntaria e sen reservas. Dito consentimento entenderase prestado se transcorridos trinta (30) días naturais desde que sexan entregadas efectivamente ao Cliente (con acuse de recibo) ou desde que se informase ao Cliente por escrito da súa existencia no sitio web do Provedor https://www.kidsandus.es/gl o Cliente non manifesta de forma escrita a súa oposición á incorporación das referidas modificacións.

2.    SERVIZOS

2.1    Con carácter previo á aceptación deste Contrato, o Cliente foi informado, a través dun correo electrónico ou mediante a entrega en soporte papel, dos seguintes aspectos:
i.    catálogo completo dos cursos ofertados, coas súas características esenciais e obxectivos, así como duración e horas, e as principais características do sistema de ensino baseado no método Kids&Us; 
ii.    datos de identificación do Provedor (con indicación expresa de que actúa por conta propia), así como do centro onde se prestarán os Servizos; 
iii.    prezo do curso polo que o Cliente mostrou interese incluíndo, todos os impostos e taxas, así como o custo dos Materiais (segundo dito termo se define no apartado 2.11) (conxuntamente, “Prezo”) que, necesariamente, terá que asumir o Cliente e que é necesario para o desenvolvemento do curso por ser inherente ao método de ensino Kids&Us, así como as condicións e medio de pago; 
iv.    a necesidade do Provedor, por un tema organizativo, de coñecer o número de matriculacións con anterioridade ao inicio de cada curso escolar e, polo tanto, o procedemento anual de matriculacións que se realizará anualmente de forma telemática;
v.    o dereito de desistencia do Cliente nos termos que resultan do apartado 3; 
vi.    o contido destas Condicións Xerais, tendo ofrecido ao Cliente a posibilidade de formular preguntas en relación coas mesmas.

2.2    Os Servizos prestaranse no centro detallado no Contrato de matrícula.

2.3    Horarios e duración das clases segundo o curso: 
a.    Babies (Mousy-Linda): a duración das clases dos cursos Babies será de 45 minutos, unha vez por semana. No caso de ter só 1 alumno, a duración da clase será de 30 minutos porque se adapta á capacidade de concentración do alumnado en idades temperás e porque toda a atención se centra neste único alumno. No caso das clases dos cursos Babies en centros externos, a duración será de 30 minutos.
b.    Kids (de Sam a Pam&Paul): a duración das clases dos cursos Sam a Pam&Paul será de 60 minutos, unha vez por semana.
c.    Ben&Brenda: a duración das clases dos cursos Ben&Brenda será de 90 minutos, unha vez por semana.
d.    Tweens 1 e 2: a duración das clases dos cursos Animal Planet será de 60 minutos, dúas veces por semana.
e.    Tweens 3 a Teens 4: a duración das clases dos cursos Fairy Tales, Mysteries e The Future será de 90 minutos, 2 veces por semana.
f.    Teens 5 a Teens 6: a duración das clases dos cursos Subscription variará en función da modalidade elixida: 90 minutos, 2 veces por semana ou 90 minutos, 1 vez por semana. 
g.    En caso de clases one-to-one (un só alumno) a duración da clase poderá variar, dependendo do programa establecido polo centro a tal efecto.

2.4    No caso de clases impartidas que non sigan a metodoloxía de aprendizaxe Kids&Us, o horario, a duración das clases, o número de alumnos, a data de inicio e fin de curso ou o material utilizado poderá variar segundo o centro.

2.5    O horario concreto das clases será o que conste nas Condicións particulares e, polo tanto, poderá variar cada curso escolar, dependendo do curso escollido e do número de alumnos asignados a cada curso que, en cada momento, poida estar dispoñible.

2.6    Os cursos darán inicio, con carácter xeral, durante setembro de cada ano natural e finalizarán durante xuño do ano seguinte. As datas concretas e o horario dos días lectivos serán comunicados polo centro.

2.7    As clases marcadas no calendario lectivo ás que, polo motivo que sexa, un alumno non asista non poderán recuperarse.

2.8    O número máximo de alumnos será de cinco (5) por clase para o curso Babies e de oito (8) para o resto dos cursos. No caso de clases de Babies impartidas en centros externos, o máximo de alumnos por grupo será de oito (8). Se tras un mes desde o inicio de curso o número de alumnos por clase sexa de tres (3) ou inferior, e non existan outros grupos que poidan absorber a eses alumnos, o Provedor resérvase o dereito de disolver o grupo e, en tal caso, procederá á devolución de calquera cantidade que, en concepto de matrícula, abonase o Cliente durante dito prazo, incluíndo o custo dos Materiais a que se refire o apartado 2.11.

2.9    Durante o período de rematrícula, o Provedor resérvase o dereito a modificar a composición dos grupos ata que a mesma non sexa definitiva, momento no que se confirma, por correo, ao Cliente.

2.10    Os alumnos de Mousy serán acompañados por unha persoa maior de idade durante todo o curso. Mentres que os cinco (5) alumnos de Linda serán acompañados por unha persoa maior de idade durante os primeiros meses do curso. Nas clases impartidas en centros externos, os alumnos non estarán acompañados por un adulto.

2.11    O profesorado reúne a titulación académica ou cualificación profesional adecuada para a impartición dos cursos. A contratación dos Servizos mediante a firma do Contrato de matrícula implica que o Cliente coñece e acepta que ditos Servizos se basean no método de ensino non regrado Kids&Us que, ademais da asistencia presencial do alumno ao Centro, require da utilización duns materiais educativos propios (os “Materiais”), cuxo custo asumirá o Cliente, sen prexuízo da adecuación do referido material ás necesidades de cada curso.
Os Materiais variarán dependendo de cada etapa e incluirán contido en formato físico e en formato dixital. Estes foron creados co obxectivo de ofrecer ao alumnado unha experiencia global que comeza na aula dos centros Kids&Us e se complementa fóra dela. Os Materiais de cada curso serán comunicados polo centro ao inicio deste por medio do “Catálogo de Materiais”.

2.12    Os Servizos teñen a consideración de ensino non regrado e, polo tanto, os diplomas ou certificados que poida emitir o Provedor non teñen natureza oficial. O Provedor prepara aos alumnos para realizar, se así o desexan, exames que proporcionan diplomas internacionalmente recoñecidos. O prezo dos dereitos de obtención do diploma estará incluído no prezo dos cursos ofrecidos polo Provedor se este, expresamente, así o manifesta.

3.    DEREITO DE DESISTENCIA

3.1.    O Cliente terá dereito a desistir dos Servizos no prazo de catorce (14) días naturais a contar desde a subscrición das Condicións particulares, sen necesidade de indicar o motivo nin incorrer en custos. De exercitarse o dereito de desistencia por un Cliente, o Provedor virá obrigado á devolución de todos os importes que o Cliente lle abonase, usando o mesmo medio de pago empregado polo Cliente para a transacción inicial. Os importes correspondentes aos Materiais só se reembolsarán previa devolución dos Materiais físicos, sen ter sido usados.

3.2.    O dereito de desistencia que se regula neste apartado poderá exercitarse por calquera medio escrito e, de realizarse de forma unilateral polo Cliente o Provedor terá que comunicarlle sen demora, en soporte duradeiro, o acuse de recibo de dita desistencia.

4.    PREZO

4.1.    O Cliente pagará polos Servizos os seguintes conceptos, cuxo importe e condicións de pago serán os que en cada momento resulten (indicados na moeda de curso legal vixente do país) das Condicións particulares:
a.    Matrícula, segundo corresponda..
b.    Prezo do curso, segundo corresponda.
c.    Materiais.
d.    Impostos que, no seu caso, resulten de aplicación de acordo coa lexislación vixente.

4.2.    A menos que as Condicións particulares determinen outra cousa:
a.    O importe da Matrícula farase efectivo tras a subscrición do Contrato de matrícula
b.    O pago dos Materiais farase efectivo tras a subscrición do Contrato de matrícula, con independencia de cando se incorpore efectivamente o alumno ao curso.
c.    O Prezo, que será o que resulte das Condicións particulares, é un tanto alzado e, polo tanto, calculouse tendo en conta as características asociadas ao curso sen que os pagos periódicos que se pactasen entre as Partes estean retribuíndo as horas lectivas relativas a ese período concreto. Polo tanto, no caso de que, polo motivo que sexa (festivo, enfermidade, forza maior ou calquera outra causa) un cliente non reciba o número de horas lectivas correspondentes ao período ao que se refire algún dos pagos periodificados do Prezo non terá dereito de reembolso respecto a ditas horas nin, tampouco, á recuperación de ditas clases.
d.    Os impostos que en cada caso resulten de aplicación pagaranse nos termos previstos na normativa vixente.

4.3.    O Provedor unicamente virá obrigado á devolución da Matrícula e o Material nos supostos previstos nos apartados 2.8 e 3. Sen prexuízo do disposto na normativa que resulte aplicable, o Provedor non virá obrigado á devolución do importe da Matrícula nin do Material en ningún outro caso. En particular, o Cliente entende e acepta que o abandono do curso, calquera que sexa motivo, ou a terminación polo Cliente da relación co Provedor suporá a perda de ditas cantidades.

4.4.    No caso de que o Cliente domiciliase o pago de calquera dos importes que se inclúen na contraprestación dos Servizos e se producise a devolución dalgún dos recibos, todos os custos asociados a dita circunstancia serán asumidos polo Cliente con total indemnidade para o Provedor.

4.5.    Calquera desconto, redución en prezo e/ou outras rebaixas requirirán do acordo previo e por escrito das Partes.
4.6.    Tanto a Matrícula como os cursos son persoais e intransferibles e, polo tanto, ningunha outra persoa que non sexa o alumno identificado no Contrato de matrícula poderá asistir aos cursos contratados polo Cliente.

5.    CONTRATO DE MATRÍCULA

5.1.    Os Servizos contrataranse inicialmente polo Cliente mediante a subscrición do correspondente Contrato de matrícula (a “Folla de matrícula”) que se formalizará por escrito a través de correo electrónico. En cada Contrato de matrícula deberá constar necesariamente, ao menos: 
a.    A identificación do Cliente e o alumno para o que contrata os Servizos, así como a relación entre o Cliente e o alumno e a acreditación, no seu caso, da patria potestade ou tutela respecto ao mesmo. 
b.    Os Servizos solicitados, con indicación do curso no que está interesado e os detalles e características deste.
c.    A contraprestación polos Servizos.
d.    Mención expresa respecto á revisión realizada polo Cliente das Condicións Xerais, así como a posibilidade ofrecida polo Provedor ao Cliente de realizar consultas e, ademais, a aceptación expresa polo Cliente das Condicións Xerais e, no seu caso, a manifestación respecto ao acceso á información precontractual a que se refire o apartado 1.4.
e.    O consentimento do Cliente para recibir por correo electrónico, ou no espazo que a tal efecto se crease na web do Provedor ou por calquera outro medio que se pactase entre as Partes, a información e formularios do proceso rematrícula, para sucesivos cursos, que poderán contratarse a distancia e aos que resultarán de aplicación, en todo caso, estas Condiciones Xerais.
f.    No documento (“Tarxeta Alfa”), o consentimento do Cliente para co tratamento dos seus datos de carácter persoal, a súa voz e a súa imaxe, así como a manifestación dos seus dereitos neste ámbito e de como exercelos, e a identificación dos responsables de dito tratamento.

5.2.    O contrato de matrícula non será vinculante para as Partes ata que se produza a aceptación do Provedor e esta fose remitida ao Cliente correo electrónico ou seguindo o mesmo método de envío do Contrato de matrícula (a “Aceptación”), data a partir da cal se entenderá perfeccionada a relación entre as Partes. 
Sen prexuízo da remisión da Aceptación polo Provedor ao Cliente, o Provedor estará obrigado, en todo caso, a gardar unha copia dixitalizada do Contrato de matrícula e a súa Aceptación no Centro como proba da contratación efectuada.

5.3.    O Provedor non ten obriga algunha de aceptar ningún Contrato de matrícula e, polo tanto, resérvase o dereito a rexeitalo sen que diso se derive responsabilidade algunha para o Provedor.

6.    REMATRICULACIÓNS

6.1.    Anualmente, antes de que finalice o curso escolar (aproximadamente entre os meses de marzo a maio), o Provedor dirixirá ao Cliente comunicación correo electrónico, aos efectos de facilitarlle, en relación co próximo curso escolar, toda a información que resulta do apartado 2.1 (a “Notificación de rematriculación”) e, ademais:
a.    A posibilidade de formalizar a rematrícula para o novo curso (a “Rematrícula”), ademais de presencialmente no Centro, a distancia por medios electrónicos mediante a cumprimentación do Contrato de matrícula 
b.    Mención expresa de que:
i.    A devolución cumprimentada do Contrato de matrícula implicará, tras a Aceptación deste polo Centro, a obriga de pago polo Cliente da contraprestación do novo curso nos termos que resulten das Condicións particulares, así como a aceptación das Condicións Xerais.
ii.    Trala Aceptación do Formulario do Contrato de matrícula polo Provedor, os termos e condicións do Contrato de matrícula serán os que rexerán a relación entre as Partes ata a finalización do novo curso contratado.
iii.    . 
iv.    Sen prexuízo da remisión da Aceptación do Contrato de matrícula polo Provedor ao Cliente de conformidade co previsto neste apartado 6.1, o Provedor estará obrigado, en todo caso, a gardar unha copia dixitalizada do Contrato de matrícula polo Cliente e a súa Aceptación polo Provedor no Centro como proba da contratación efectuada.

6.2.    Resultará de aplicación á rematriculación a regulación dos contratos a distancia por medios electrónicos vixente en cada momento.
 
7.    RECLAMACIÓNS

7.1.    O Cliente poderá dirixir calquera reclamación relacionada cos Servizos a través das follas de reclamación que están á súa disposición no Centro.

7.2.    De conformidade co disposto pola normativa nacional aplicable, infórmase de que o Cliente, no seu caso, poderá presentar unha reclamación relativa á deficiente prestación dos Servizos naqueles casos previstos legalmente ante a plataforma de resolución alternativa de litixios con consumidores ou organismo competente equivalente, non atopándose o Provedor obrigado a participar no mesmo.

8.    RESPONSABILIDADE POR DANOS

8.1.    O Provedor asume plena responsabilidade respecto aos Servizos e responderá ante o Cliente, dos danos e prexuízos que se lle houbesen irrogado por causas imputables ao Provedor ou aos seus profesionais ou empregados como consecuencia de dolo ou culpa grave de calquera deles. Fóra de tales casos, a responsabilidade do Provedor, que só será polos danos directos efectivamente causados ao Cliente (excluíndo, polo tanto, lucro cesante ou danos reputacionais) estará limitada ás cantidades recibidas polo mesmo do Cliente en contraprestación dos Servizos.

8.2.    En ningún caso o Provedor será responsable dos danos derivados, ou causados, en todo ou en parte, como consecuencia da falsidade, o ocultamento de información ou calquera outra conducta do Cliente que fora dolosa ou neglixente, ou non realizada conforme aos principios da boa fe, ou de incumprimentos que se produzan por causas que están fóra do seu control razoable.

8.3.    A responsabilidade do Provedor fronte ao Cliente en relación cos Servizos está condicionada a que o Cliente remita reclamación por escrito, determinando con suficiente detalle a natureza da reclamación e o importe reclamado, salvo en caso de dolo en que será de aplicación o prazo de prescrición legalmente establecido.

8.4.    A eventual responsabilidade do Provedor terá lugar unicamente fronte ao Cliente. O Provedor non será responsable dos danos que poidan ocasionarse a terceiros.

9.    MY WAY

9.1. É a aplicación educativa que o Provedor pon a disposición do alumno. My Way complementa o traballo realizado na aula proporcionando itinerarios de aprendizaxe personalizado para asegurar que o alumno logre os obxectivos comunicativos do curso.

9.2.     Para que o alumno poida utilizar My Way e, polo tanto, gozar deste servizo é necesario que adquira a condición de usuario de My Way. Para iso, o Cliente debe aceptar os Termos e Condicións da aplicación, recollidos no Contrato de matrícula como “Termos e Condicións My Way”.

10.    TERMINACIÓN DA RELACIÓN DE SERVIZOS POLO CLIENTE. BAIXA DO ALUMNO.

10.1.    O Cliente poderá terminar en calquera momento a súa relación co Provedor e, polo tanto, o alumno poderá causar baixa do curso no que estea matriculado en cada momento, mediante comunicación escrita dirixida á atención da dirección do Centro.

10.2.    Os importes pagados en concepto de Matrícula ou Material non son reembolsables, salvo en caso de desistencia por parte do Cliente ou no caso de terminación do Contrato polo Cliente baseado nun incumprimento do Provedor e, polo tanto, a terminación anticipada do Contrato por un Cliente non lle dará dereito a solicitar o reembolso de ditas cantidades, nin tampouco aquelas outras que xa pagase en concepto de Prezo do curso. 
Polo tanto, se a data de efectos da terminación (ou baixa do alumno) non coinciden co último día lectivo do período de pago establecido nas Condicións particulares, o Provedor fará seus todos os importes xa abonados polo Cliente sen que este poida reclamar a devolución de cantidade algunha, aínda que non recibira todas as clases do referido período.  Polo contrario, unha vez terminado o Contrato, o Cliente non estará obrigado ao pago das cantidades que aínda non se teñan devindicado.

11.    TERMINACIÓN DA RELACIÓN DE SERVIZOS POLO PROVEDOR

11.1.    O Provedor poderá resolver este Contrato e poñer fin á prestación de Servizos cando:
i.    o Cliente incumpra as obrigas de pago asumidas en virtude do Contrato;
ii.    o alumno demostre reiteradas faltas de disciplina, ou accións que prexudiquen a marcha docente, sen dereito á devolución das cantidades que abonase, como resarcimento do prexuízo ocasionado.

12.    FORZA MAIOR

12.1.    En caso de peche do centro ou a imposibilidade de levar a cabo a prestación dos Servizos de forma presencial, como consecuencia da existencia dunha situación de forza maior que afecte á totalidade da rede de centros Kids&Us, o Provedor ofrecerá ao Cliente un modelo dixital total, con contidos 100% online ou clases síncronas dependendo do curso.

12.2.    A modalidade dixital será oportunamente comunicada ao Cliente e non comportará unha modificación da contraprestación pactada nas Condicións particulares polo curso.

12.3.    Aos efectos destas Condicións xerais “forza maior” significa calquera feito, circunstancia, evento ou acontecemento (con independencia de cal sexa a súa causa) que sexa imprevisible e inevitable que impida a prestación dos Servizos, sempre e cando o mesmo non sexa imputable ao Provedor e exista unha relación de causalidade entre a imposibilidade de levar a cabo a prestación dos Servizos e o referido feito, circunstancia, evento ou acontecemento.

13.    PROTECCIÓN DE DATOS

13.1.    A identificación dos responsables do tratamento dos datos de carácter persoal, a voz e a imaxe do Cliente, os dereitos que o amparan neste ámbito polo mero feito de ceder o uso destes a un responsable determinado e previamente recoñecido, así como a finalidade, conservación, destinatarios e demais requisitos establecidos pola normativa para con ditos datos se expresarán, individualmente, no documento axunto “Tarxeta Alfa”.

O Cliente dispón de máis información en https://www.kidsandus.es/gl/footer/politica-de-privacidad

14.    LEI APLICABLE E XURISDICIÓN

14.1.     O Contrato rexerase pola lei común española.

14.2.    Calquera conflito ou discrepancia entre as Partes derivado deste Contrato se resolverá polos Xulgados e Tribunais do domicilio do Cliente, con renuncia expresa a calquera outro foro que puidera corresponder ás Partes.