Xornadas en inglés para nenos

Cal é o obxectivo dos Fun Days?

Durante estas mañás, as academias Kids&Us énchense de actividades 100% en inglés, didácticas e orixinais, desenvolvidas polo noso Departamento de Método.

A finalidade do Fun Day é que os máis pequenos poidan seguir estando en contacto co inglés fóra das aulas. Estas xornadas tamén están abertas a nenos e nenas que aínda non estean matriculados nos nosos centros.

En que consisten estas xornadas?

Un Fun Day é unha mañá chea de actividades en inglés exclusivas de Kids&Us; ofrécense varios Fun Days ao longo do ano. Estas xornadas xuntan diversión e aprendizaxe do idioma durante os días non lectivos, que probablemente serán laborables para as familias. Consisten nas seguintes actividades:

Little Chef

Talleres de cociña en inglés pensados para que os nenos e nenas experimenten coa comida e proben novos sabores da cultura anglosaxoa.

Storytime

Contacontos en inglés que comparten cos máis pequenos historias familiares que os estimulan a interactuar cos personaxes.

Xogos e crafts

Manualidades e actividades motrices en inglés adaptadas a cada grupo de idade que fomentan a imaxinación dos máis pequenos.

Información básica sobre as xornadas

Idades: este campamento diríxese a nenos e nenas de 3 a 10 anos, sexan alumnos Kids&Us ou non.
División dos grupos: máximo de 8 nenos/as por grupo e profesor/a.
Calendario: cada centro ten o seu propio calendario e horario de actividades. Consúltese co centro correspondente.
Duración da actividade: 4 horas.