Os nosos cursos
Unha forma aberta e imaxinativa de ver e entender o mundo
Saber máis
Campamento de inmersión lingüística en inglés para nenos e nenas
Que son os Cool Off?
O Departamento de Método de Kids&Us deseñou coidadosamente o día a día dos nosos campamentos para garantir que os nenos e nenas gocen das actividades planificadas mentres aprenden inglés. Ademais de aprender vocabulario e estruturas novas do idioma, traballaremos valores moi importantes como a tolerancia, o respecto e a convivencia.
Información básica sobre os campamentos de inmersión lingüística
Quen pode vir aos Cool Off Camps?
Os campamentos están pensados para nenos e nenas de 7 a 13 anos. Exclusivo para estudantes de Kids&Us.
Canto tempo duran?
Duran 7 días e 6 noites, de domingo a sábado.
Como son os espazos?
As casas Cool Off están situadas no medio da natureza. Contan con completas instalacións e espazos lúdicos abertos, ideais para xogar e facer deporte.
Como son os grupos?
Facemos pequenos grupos de 10 nenos e nenas da mesma franxa de idade.
Os monitores falan inglés?
O noso equipo de monitores usa só o inglés como lingua vehicular para comunicarse as 24 horas do día. Todos teñen un nivel equivalente a Proficiency.
Todo o que necesitas saber sobre Cool Offs
Como se traballa o inglés?
Cada día, traballamos cos nosos cadernos de viaxe e dedicamos unha hora a mellorar o inglés dunha maneira máis individualizada con cada monitor/a. Ademais, a convivencia 24 horas permite expoñer os nenos e nenas a un inglés natural e traballar expresións cotiás típicas do día a día.
A seguridade dos nosos nenos e nenas é a nosa prioridade
En Kids&Us aplicamos novos protocolos de seguridade e hixiene, e adaptado as nosas actividades para garantir que se cumpran todas as medidas que marcan as autoridades sanitarias.
Como se actuará se un neno/a non se atopa ben durante os campamentos?
Temos contacto cos centros médicos máis próximos. Por suposto, chamaremos á familia para que estea informada da situación.
Haberá alguén que fale galego ou castelán?
Os monitores/as só poden falar inglés e, de feito, os nenos e nenas non saben se falan ou entenden outra lingua. No entanto, o/a director/a dos campamentos si que poderá falar en galego ou castelán. Esta persoa actuará como intermediaria sempre que sexa necesario.
Como se formarán os grupos?
Por idade e nivel de inglés de cada neno/a. Ademais, sempre que sexa posible, teremos en conta se ten amigos ou amigas con quen queira compartir a experiencia.
Así son os Cool Offs!
Máis campamentos de vacacións
Tamén che pode interesar